Kalaallit Nunaanniit ilinniartuuviit kiisalu USA-mi ilinniaqqinniarlutit sinnattorlutit? Ilinniartunut tamanut AKEQANNGITSUMIK ilinniarnermut siunnersuisarpugut makku pillugit:

• USA – mi ilinniaqqinnermut
• USA – mi ilinniakkamut atasumik sulinermut
• USA – mi ilisimatusarnermut
• Akuerisaanermut aammalu qinnuteqarnermut malittarisassat pillugit
• Misiliutinut
• Kinaassutsimik naqissusiligaalluni allagartamut
• Qanoq ilillunga ilisimatusarfik nassaarissavara
• Aningaasaqarneq – ilinniarnermut tapisiaq (su) kiisalu aningaasanik ikiorsiissutit ilinniarnissamut atugassat (stipendiet)
• Legaatinik qinnuteqarnermut

Kalaallit Nunaanniit ilinniartuusutut uvagutsinnut kiisalu aamma Sunngu – mut attaveqassaatit sinnattut piviusunngortissagukku. Maluginiassavat, qinnuteqassagavit kinaassutsimik allagartamik naqissusikkamik Den Amerikanske Ambassade –mut – Københavnimiittumut, kiisalu aamma nammineerlutit takkullutit ambassade-mi oqaloqatiginnissaatit ilinniarnissannut kinaassutsimik allagartat naqissusiligaq pissagukku.

Danmark-Amerika Fondet aammalu Fulbright Kommissionen taakkua ataatsimoorlutik siunnersuineri pisortatigoortumik kisermartaapput, Qallunaat Nunaani taaguusikkamik ”EducationUSA” saaffiginnittarfiulluni. Tamanna tapersersuinerput , USA – aap nalagaaffiata qullersaqarfiata piumaffigaatigut ”erseqqissumik , marloqiusaanngitsumik ilisimatitsissasugut USA-mi ilinniarnertuunngorfiit pillugit”. Tamannalu illit qularnameeqqutigissavat paasissutissat eqqortut pinissaannut!

Sianerit uunga +45 35324545 imaluunniit allagit uunga imaluunniit paasissutissanik ilinnut tunngasunik pissarsigit. Aammalu periarfissaavoq oqaloqateqarnissamik Skype – koorlugu piffissamik qulakkeerilluni ilinninnut imaluunniit ikinngutitit ilagalugit.

Qulaginngilarput ikiorsinnaallutit ameerikkamukarniarlutit sinnattuvit piviusunngortinnissaanut kiisalu aamma piffissamik atuinissannut millisaatissallutit.

Aammalu tassani takusinnaavat innersuut Kallaallit Nunaanni Namminersortut ilinniarnernut nittartagaat, Sunngu, paasissutissaqarput immikkut kalaallinut ilinniagaqartunut:

http://www.sunngu.gl/qaffasinnerusumik/nunani-allani-ilinniarneq?set_language=kl

USA – mi ilinniakkamut atasumik suliniaraanni pisariaqarpoq nassaassalluni visum-sponsor – imik taaguusikkamik. Tamanna imatut isumaqarluni pisortatigoortumik ilinniakkannut atasumik sulinissannut pilersaarusiliamik suliffeqarfimmi/kattuffimmi ilanngutissasutit, pisortatigoortumik akuerineqarsimasumik visum –imik taamaattumik sananissamut.

Ilinniakkamut atasumik suliniaruvit kalaallit nunaanni ilinniarnerit aqqutigalugu, taava attavigisigut paasissutissanik annertunerusunik tunissavatsigit soorlu makku pillugit malittarissat kinaassutsimik allagartamik naqissusilikkamik pisarnernut ,aningaasaqarneq aammalu attaveqarnermut visum-sponsor – imut.

Fulbright Kommissionen aammalu Danmark-Amerika Fondet Qallunaat Nunaani amerlanerpaanik USA-mi legaatinik tunniussassaqartarput. Nammineq legaatit pigisagut agguaattarpagut kiisalu aamma legaatit allat pigisaat ingerlateqqittarlugit, ksiannili uvagut toqqaanerni ilaasarluta. Uvagut legaatitta annertussusii assigiinngillat 50.000 –niik – 100.000 tit tikillugit qallunaat aningaasanngorlugit annertutigalutik.

Uvagut legaatigut ilinniartunut bachilooritut naammassisimasunut tunngapput. Legaatimik uvagutsinnut qinnuteqarniaruvit pilersaarusiussaatit ilinniaqqinniarlutit kanditatitut imaluunniit Phd – tut USA-mi ukioq ataaseq. Legaatinik tunniussaqartarpugut ilinniarnissanut, kalaallit nunaanni ilinniarnernut atasumik, kiisalu aamma USA-mi ilivitsumik ilinniaqqinnissanut.

Ukiumut marloriarluta legaatinik agguaasarpugut ilinniartunut ukiup tulliani ilinniartussanut.
Pingaarnerpaatut agguaanermi amerlasuunik aammalu annertuunik legaatinik aqqutigalugit Fulbright aammalu Danmark-Amerika Fondet, tassuuna ilinniarnertuunngorniarfik nammineq toqqarsinnaallugu. Qinnuteqarsinnaapput ilinniartut nammineerlutik aaqqissuussaminnik ilinniarniartut imaluunniit paarlaalluni sumiiffisaq atorlugu qallunaat nunaani suliffeqarfik imaluunniit kalaallit nunaanni suliffeqarfik aqqutigalugu:

Qinnuteqarfissaq kingusinnerpaamik – pingasunngorneq siulleq martsimi.
Legaatinik mikinerusunik agguaaneq Fulbright aqqutigalugu pisarpoq ,ameerikkami ilisimatusarfiit immikkoortortaqarfiinut immikkut toqqakkanut. Legaatit annertussusii aammalu piumasaqaataat nikerarput – takuuk www.wemakeithappen.dk ”Joint Grants” ataani.
Qinnuteqarfissaq kingusinnerpaamik – pingasunngorneq siulleq oktoberimi.

DANMARK – AMERIKA FONDET
1914 – imi aallartinneqarpoq namminersortumik, siunertaralugu perorsarsimassutsikkut aammalu nalinginnaasumik suleqatigiinnissaq ineriartortinniarlugu Qallunaat Nunaata USA – llu akornanni.Qallunaat Nunaanni suliffeqarfinnik aallarniisut ilaapput, kiisalu aamma kunngikkut siulliit ilagalugit ilaatitaqarput Fondimut tapersersuisutut, tamannalu ullumikkut suli attallugu. Aningaasat ukiumut legaatitut atugassat qulakkeernerqartarput inuit namminneq Fondimut tunniussinerisigut. Kingumut oqaluttuassartaqarpoq aammalu erseqqissumik qanittumik attaveqartoqarluni qallunaat nunaata iluani inuiaqatigiinut aammalu qallunaat suliffeqarfiinut atorfeqartuniik. Legaatinik pinikut aammalu ilinniakkamut atasumik sulinernut Danmark-Amerika Fondet aqqutigalugu – taakku ataqqineqarnertik atorluarpaat kiisalu akuttunngitsunik qallunaat nunaata iluani pingaarutillinnik atorfinittarlutik.

FULBRIGHT KOMMISSIONEN
Tunngaveqarpoq ameerikkami Senatorip J.William Fulbrights isumaanik pinaveersaarniarlugu sorsuleqqinnissaq nutaaq silarsuarmi sorsunnersuup aappaatut ittumik, tamanna pilersippaa nunat akunnerminni imminnut paaseqatigiinnerunissaat anguniarlugu, ilinniarnikkut paarlaattarnikkut. Qallunaat – ameerikkallu Fulbright Kommission – iat aallarnerneqarpoq 1951 – imi Qallunaat Nunaata Ameerikkallu naalakkersuisa isumaqatigiissusiliornerisa kingunerisaanik. Kommissionip sulinera aningaasalersorneqarluni taakku nunat marluk naalakkersuiniik. Kalaallit Nunaat tassunga atatillugu Qallunaat Nunaata ataaniilluni. Tamanna iliuusiliaq silarsuaq tamakkerlugu atuuppoq ingerlanneqarlunilu nammineerluni pilersitanik kommissioninik 50- usunik aammalu ”Public Affairs” ameerikkap ambassadii aqqutigalugit. Tassaalluni pisortatigoortumik USA-mi paarlaaqatigiinnerni iliuusiulluni, ameerikkami soqutigineqarnerpaasoq. ”Fulbrighter” itut inuulluni taassuma matut amerlasuut ammartarpai. Siornatigut ”Fulbrightere” tut inuunikut takussaapput silarsuaq tamakkerlugu soorlu nobel – imik nersornaasikkatut, naalakkersuisuni qullersatut aammalu allani qutsissunik inissittuni ilisimatuut akornanni silarsuaq tamakkerlugu, eqqumiitsuliornerni, perorsarsimassutsip aammalu naalakkersuinerit iluini. Taamaammat naqissuserneqartarpoq, legaatimik tunineqartut suliaminnut aammalu inuttut ineriartortitsissasut kiisalu aqutsisinnaanermik piginnaaneqassasut.